Grwpiau Clwstwr Partneriaeth Sgiliau Rhanbarthol yw ein harbenigwyr sector. Maen nhw'n darparu deallusrwydd penodol i'r diwydiant yn rhanbarth Canolbarth Cymru, a synnwyr-wirio ein dadansoddiad o Ddeallusrwydd y Farchnad Lafur.
Mae'r grwpiau clwstwr hyn yn fforymau sy'n cael eu harwain gan gyflogwyr sy'n cwrdd dair neu bedair gwaith y flwyddyn i drafod materion a phroblemau sy'n berthnasol i sgiliau, recriwtio'r gweithlu a'u cadw yn mhob sector a flaenoriaethwyd gan PSRh Canolbarth Cymru.
Mae ein Sectorau Blaenoriaeth yn cynnwys:
- Gweithgynhyrchu a Pheirianneg Uwch
- Amaethyddiaeth
- Adeiladu ac Ynni
- Digidol
- Bwyd a Diod
- Gofal Iechyd a Chymdeithasol
- Sector Cyhoeddus
- Twristiaeth a Hamdden
- Trafnidiaeth a Logisteg
Mae gan PSRh Canolbarth Cymru ddau grŵp clwstwr 'cefnogi' hefyd sy'n gweithio ochr yn ochr â'r clystyrau busnes:
- Mae'r Clwstwr Darparu yn cynnig mewnwelediad i waith a dysgu wedi'i leoli yn yr ystafell ddosbarth a rhaglenni cyflogadwyaeth yn y rhanbarth. Mae'n canolbwyntio ar gyfeiriad strategol ar gyfer darpariaeth gyfredol a'r dyfodol a chyflogadwyedd oddi fewn i sgiliau blaenoriaeth yng nghyd-destun Llywodraeth Cymru LMI a grwpiau clwstwr ein diwydiant.
- Mae Grŵp Clwstwr Y Warant i Bobl Ifanc (GPI) yn dwyn cynrychiolwyr GPI ynghyd ar draws y sector cyhoeddus, darpariaeth hyfforddi sgiliau, cyflogadwyedd a phartneriaid darparu'r Trydydd Sector mewn cyd-destun ymgynghorol i synnwyr-wirio fod gweithgaredd PSRh yn cefnogi ein pobl ifanc yn enwedig y rheini sydd mewn risg o beidio â bod mewn cyflogaeth, addysg neu hyfforddiant. Mae'r PSRh yn gweithio gyda'r grŵp hwn i chwilio am gyfleoedd, cydweithrediaeth a syniadau arloesol oddi fewn i'r rhanbarth i ymgysylltu'r garfan hon o bobl ifanc gyda'r farchnad lafur ac atal eithrio cymdeithasol hir-dymor.
Mae Cadeiryddion pob grŵp clwstwr yn eistedd ar Fwrdd PSTh Canolbarth Cymru sydd yn ei dro'n adrodd yn ôl yn uniongyrchol i strwythur llywodraethiant Tyfu Canolbarth Cymru.
Rhannu'r dudalen hon
Argraffu
